اے آر وائی نیوز نے پولیس کے حوالے سے بتایا ہے کہ لسبیلہ مسافر بس حادثے میں جلی ہوئی تمام لاشوں کی ڈی این اے ٹیسٹ کے بعد شناخت کر لی گئی ہے۔
29 جنوری کو کوئٹہ سے کراچی آنے والی مسافر کوچ تیز رفتاری کے باعث اپنا کنٹرول کھو بیٹھی اور کھائی میں جا گری اور اس میں آگ لگ گئی۔
تفصیلات کے مطابق ڈی این اے ٹیسٹ رپورٹ میں 38 لاشوں کی شناخت کی گئی۔ لاشیں ایدھی مردہ خانے سے ورثا ء کے حوالے کر دی گئیں۔
حادثے کا شکار ہونے والی مسافر کوچ کے مالکان کے خلاف لسبیلہ تھانے میں مقدمہ درج کرلیا گیا ہے۔
ایس ایچ او کی مدعیت میں سانحہ لسبیلہ میں بس کے مالکان اور ڈرائیور کے خلاف مقدمہ درج کرلیا گیا تھا۔
ایف آئی آر قتل کی کوشش، لاپرواہی اور غیر ذمہ دارانہ ڈرائیونگ کی دفعات کے تحت درج کی گئی تھی۔