لاہور(ڈیلی پاکستان آن لائن)گورنر پنجاب بلیغ الرحمان نے الیکشن کمیشن آف پاکستان (ای سی پی) کو ہدایت کی ہے کہ وہ صوبے بھر میں انتخابات کی تاریخ کے حوالے سے اسٹیک ہولڈرز سے مشاورت کرے۔
تفصیلات کے مطابق گورنر پنجاب نے الیکشن واچ ڈاگ کو خط لکھ دیا ہے جس میں کہا گیا ہے کہ صوبے بھر میں انتخابات کے انعقاد کے لیے اسٹیک ہولڈرز سے مشاورت کی جائے۔
خط میں بلیغ الرحمان کا کہنا تھا کہ پنجاب اسمبلی کو آئین اور قانون کے مطابق تحلیل کیا گیا۔ صوبے بھر میں انتخابات کے انعقاد کا حوالہ دیتے ہوئے انہوں نے کہا کہ ملک اس وقت معاشی اور سیکیورٹی مسائل کا سامنا کر رہا ہے۔
پاکستان تحریک انصاف (پی ٹی آئی) کے سابق پارلیمانی لیڈر عثمان بزدار اور اسپیکر قومی اسمبلی سبطین خان کو لکھے گئے الگ الگ خطوط میں گورنر سندھ نے یقین دلایا کہ ان کا دفتر آئینی تقاضوں اور ذمہ داریوں کو پورا کرے گا۔