اسلام آباد(ڈیلی پاکستان آن لائن)سپریم کورٹ آف پاکستان نے پنجاب اسمبلی انتخابات میں تاخیر کے خلاف تحریک انصاف کی درخواست کی سماعت کی جس میں اتحادی جماعتوں نے عدم اعتماد کا اظہار کیا۔
تفصیلات کے مطابق وزیراعظم شہباز شریف کی زیر صدارت پاکستان ڈیموکریٹک موومنٹ (پی ڈی ایم) کی جماعتوں کے اعلیٰ سطح کے اجلاس میں ملک کی مجموعی سیاسی صورتحال پر تبادلہ خیال کیا گیا۔
چیف جسٹس عمر عطا بندیال، جسٹس اعجاز الاحسن اور جسٹس منیب اختر پر مشتمل سپریم کورٹ کے بینچ پر اتحادی جماعتوں نے عدم اعتماد کا اظہار کیا۔
یہ اجلاس سپریم کورٹ کی جانب سے انتخابات میں تاخیر کے معاملے میں فل کورٹ بینچ کی درخواست مسترد کیے جانے کے بعد طلب کیا گیا تھا۔ خود سپریم کورٹ میں بھی زبردست ڈراما دیکھنے میں آیا اور دو ججوں نے بقیہ تین رکنی بنچ سے خود کو الگ کر لیا۔