برائے مہربانی ایپ کو گوگل پلے سے تازہ ترین ورژن میں اپ ڈیٹ کریں

 اسلام آباد: (دنیا نیوز) وزیراعظم شہباز شریف کی زیر صدارت قومی سلامتی کمیٹی کا اجلاس ہوا جس میں ملک کی سیاسی و معاشی صورتحال اور سیکیورٹی صورتحال پر غور کیا گیا۔

وزیر اعظم پر دو گھنٹے تک جاری رہنے والا اعلیٰ سطحی اجلاس ہوا جس میں کابینہ کے سینئر وزراء، سروسز اور انٹیلی جنس سربراہان کے علاوہ تمام متعلقہ حکام نے شرکت کی۔

ذرائع کا کہنا ہے کہ ڈائریکٹر جنرل انٹر سروسز انٹیلی جنس (آئی ایس آئی) لیفٹیننٹ جنرل ندیم انجم نے دہشت گردی کے خلاف جاری آپریشنز اور ملک کی سیکیورٹی صورتحال پر تفصیلی بریفنگ دی۔

وزیر خزانہ اسحاق ڈار نے قومی سلامتی کمیٹی کے اجلاس کو ملک کی معاشی صورتحال پر بریفنگ دی۔

خیال رہے کہ سپریم کورٹ نے پنجاب اور خیبر پختونخوا میں انتخابات میں تاخیر سے متعلق الیکشن واچ ڈاگ کا فیصلہ کالعدم قرار دیتے ہوئے صوبے میں انتخابات کی تاریخ 14 مئی مقرر کی تھی۔

چیف جسٹس پاکستان جسٹس عمر عطا بندیال، جسٹس اعجاز الاحسن اور جسٹس منیب اختر پر مشتمل تین رکنی بینچ نے الیکشن کمیشن آف پاکستان کی جانب سے پنجاب اور خیبر پختونخوا میں انتخابات ملتوی کرنے کے فیصلے کے خلاف تحریک انصاف کی درخواست پر فیصلہ سنایا۔