راولپنڈی (ڈیلی پاکستان آن لائن) وکٹ کیپر بلے باز محمد رضوان نے شاندار کارکردگی کا مظاہرہ کرتے ہوئے پاکستان اور نیوزی لینڈ کے درمیان کھیلے جانے والے پانچویں ٹی ٹونٹی میچ میں ایک منفرد سنگ میل عبور کرلیا۔
محمد رضوان جنہوں نے 98 رنز کی سنسنی خیز اننگز کھیل کر پاکستان کو 5 وکٹوں کے نقصان پر 193 رنز تک پہنچایا، رواں سال ٹی 20 کرکٹ میں ایک ہزار رنز مکمل کرنے والے پہلے بلے باز بن گئے۔
قابل ذکر ہے کہ رضوان نے ایک کیلنڈر سال میں لگاتار تیسری بار ہزار رنز بنائے۔ انہوں نے 2022 میں 1817 رنز اور 2021 میں ریکارڈ 2036 رنز بنائے تھے۔
بین الاقوامی سطح پر پاکستان کی نمائندگی کرنے کے علاوہ رضوان نے فرنچائز کرکٹ میں بھی کامیاب رنز بنائے۔ ملتان سلطانز اور کومیلا وکٹورینز کی نمائندگی کرتے ہیں۔
واضح رہے کہ رضوان کی 98 رنز کی اہم اننگز رائیگاں گئی اور مارک چیپمین کی شاندار سنچری کی بدولت نیوزی لینڈ نے پاکستان کے خلاف سیریز برابر کردی۔
چیپ مین نے جیمز نیشام کے ساتھ مل کر نیوزی لینڈ کو 73/4 سے 6 وکٹوں سے شکست دی۔
نیوزی لینڈ کی جانب سے چیپمین نے 57 گیندوں پر 104 رنز کی اننگز کھیلی جس میں 11 چوکے اور 4 چھکے شامل تھے۔ دوسری جانب نیشم نے بھی 25 گیندوں پر 45 رنز کی ناقابل شکست اننگز کھیل کر اہم کردار ادا کیا۔