بیجنگ نے سفارتی آگ بجھانے کی کوشش اس وقت کی جب فرانس میں اس کے سفیر لو شی نے ہفتے کے روز کہا کہ سابق سوویت ریاستوں کو "ٹھوس" خود مختار حیثیت حاصل نہیں تھی۔
بیجنگ کی وزارت خارجہ کے ترجمان ماؤ ننگ نے پیر کے روز ایک نیوز کانفرنس کے دوران اعلان کیا کہ "چین سوویت یونین کے خاتمے کے بعد رکن ممالک کی خود مختار ریاستوں کی حیثیت کا احترام کرتا ہے"۔
ماؤ نے اس بات کا بھی ذکر کیا کہ چین مختلف سابق سوویت ریاستوں کے ساتھ سفارتی تعلقات قائم کرنے والے پہلے ممالک میں شامل رہا ہے اور انہوں نے مزید کہا کہ خودمختاری اور علاقائی سالمیت کے احترام پر بیجنگ کے موقف میں کوئی تبدیلی نہیں آئی ہے۔
پیرس میں بیجنگ کے سفیر کے دفتر نے بھی پیر کے روز اپنے ایک بیان کے ذریعے اس تنازعہ کو ختم کرنے کی کوشش کی اور واضح کیا کہ لو کا بیان "پالیسی اعلان" نہیں تھا بلکہ "ایک ٹیلی ویژن انٹرویو کے دوران ذاتی نقطہ نظر کا اظہار" تھا۔