برائے مہربانی ایپ کو گوگل پلے سے تازہ ترین ورژن میں اپ ڈیٹ کریں

 

پاکستان تحریک انصاف (پی ٹی آئی) کے صدر اور سابق وزیراعلیٰ پنجاب چودھری پرویز الٰہی نے مسلم لیگ (ن) کے قائد نواز شریف کو شدید تنقید کا نشانہ بناتے ہوئے کہا ہے کہ پی ٹی آئی کو توڑنے کی کوئی بھی کوشش کامیاب نہیں ہوگی۔

صحافیوں سے گفتگو کرتے ہوئے چودھری پرویز الٰہی نے نگران وزیراعلیٰ پنجاب محسن نقوی کو بھی تنقید کا نشانہ بناتے ہوئے کہا کہ سیاسی کارکنوں کے خلاف کریک ڈاؤن کے بعد صوبے میں سیاسی بحران مزید خراب ہوا ہے۔

انہوں نے کہا کہ جب سرحد پر بھارتی فوج کے ہاتھوں ہمارے جوان شہید ہو رہے تھے تو نواز شریف مودی اور جندال کو بغیر ویزے کے اپنے گھروں میں دوپہر کے کھانے پر مدعو کر رہے تھے۔ انہوں نے کہا کہ عوام کو فوج سے لڑانا نواز شریف اور مودی کا ایجنڈا ہے۔

انہوں نے کہا کہ موجودہ نگران حکومت نے زمان پارک میں دہشت گردوں کی موجودگی کے بارے میں شور مچایا اور بین الاقوامی میڈیا کی موجودگی میں جعلی آپریشن کرنے میں ناکام رہی۔

انہوں نے کہا کہ کٹھ پتلی حکومت پنجاب کے حالات کو ایک بار پھر خراب کرنا چاہتی ہے، محسن نقوی قوم کے خلاف ایجنڈے پر ہیں۔

پرویز الٰہی نے قومی اسمبلی میں پی ٹی آئی ارکان کی رکنیت بحال کرنے کے لاہور ہائی کورٹ کے فیصلے کا خیر مقدم کیا۔ انہوں نے کہا کہ بحالی سے وفاق اور صوبوں میں سیاسی بحران کا پرامن حل نکل سکتا ہے۔

انہوں نے کہا کہ پنجاب اور خیبر پختونخوا میں عبوری حکومتیں آئینی طور پر ختم ہو چکی ہیں اور وہ دونوں صوبوں میں غیر قانونی سیٹ اپ کے خاتمے کے لیے عدالتوں سے رجوع کریں گے۔

انہوں نے حالیہ دنوں میں پارٹی چھوڑنے والوں کو بھی تنقید کا نشانہ بناتے ہوئے کہا کہ سیاسی خانہ بدوشوں کی کوئی اہمیت نہیں ہے اور پارٹی پہلے ہی انہیں مسترد کر چکی ہے۔

چودھری پرویزالٰہی نے کہا کہ پی ٹی آئی کو اندر اور باہر سے توڑنے کی کوئی بھی کوشش کامیاب نہیں ہوگی اور پارٹی عمران خان کی قیادت میں متحد رہے گی۔