پاک فوج کے شعبہ تعلقات عامہ (آئی ایس پی آر) کے مطابق بلوچستان کے ضلع کیچ کے علاقے سنگوان میں دہشت گردوں نے پاک ایران سرحد پر سیکیورٹی فورسز کی چوکی کو نشانہ بنایا۔
چونکہ چوکی پر موجود فوجی پہلے سے ہی چوکس تھے اور تمام دستیاب ہتھیاروں کے ساتھ بہادری سے جواب دے رہے تھے ، لہذا بھاری فائرنگ کا تبادلہ ہوا۔ سیکورٹی فورسز نے کامیابی کے ساتھ دہشت گردوں کو پیچھے دھکیل دیا۔
فائرنگ کے تبادلے کے دوران دو بہادر جوان سپاہی حسنین اشتیاق اور سپاہی عنایت اللہ دہشت گردوں کا بہادری سے مقابلہ کرتے ہوئے شہید ہوگئے۔
سیکیورٹی فورسز نے علاقے میں فوری صفائی آپریشن شروع کر دیا ہے اور دہشت گردوں کو فرار ہونے کا کوئی موقع نہ دینے کے لیے ایرانی حکام کے ساتھ بھی رابطے میں ہیں۔
سیکیورٹی فورسز قوم کے شانہ بشانہ بلوچستان کی تمام سرحدوں پر امن و استحکام کو سبوتاژ کرنے کی کوششوں کو ناکام بنانے کے لیے پرعزم ہیں۔