غیر ملکی خبر رساں ادارے کا کہنا ہے کہ شام کے شمال مشرقی علاقے میں اتوار کے روز ایک ہیلی کاپٹر حادثے میں 22 امریکی فوجی زخمی ہوئے ہیں تاہم انہوں نے واقعے کی وجوہات یا زخموں کی شدت کے بارے میں کچھ نہیں بتایا۔
بین الاقوامی میڈیا رپورٹس کے مطابق امریکی فوج کی سینٹرل کمانڈ کا کہنا ہے کہ 10 فوجی اہلکاروں کو علاقے سے باہر اعلیٰ سطح کی دیکھ بھال کی تنصیبات میں منتقل کر دیا گیا ہے۔
مشرق وسطیٰ میں امریکی فوجیوں کی نگرانی کرنے والی سینٹرل کمانڈ کا کہنا ہے کہ دشمن کی فائرنگ کی کوئی اطلاع نہیں ہے تاہم واقعے کی وجوہات کی تحقیقات کی جا رہی ہیں۔
امریکی سینٹرل کمانڈ کے عہدیداروں نے فوری طور پر مزید معلومات کی درخواستوں کا جواب نہیں دیا۔
داعش کی باقیات سے لڑنے کے مشن کے حصے کے طور پر تقریبا 900 امریکی اہلکار شام میں تعینات ہیں، جن میں سے زیادہ تر مشرق میں ہیں۔
مارچ میں شام میں فضائی حملوں اور جوابی حملوں میں 25 امریکی فوجی زخمی ہوئے تھے جن میں ایک امریکی کنٹریکٹر ہلاک اور دوسرا زخمی ہوا تھا۔
امریکی افواج کو سب سے پہلے داعش کے خلاف اوباما انتظامیہ کی مہم کے دوران شام میں تعینات کیا گیا تھا، جس نے کردوں کی زیر قیادت گروپ سیرین ڈیموکریٹک فورسز کے ساتھ شراکت داری کی تھی۔