برائے مہربانی ایپ کو گوگل پلے سے تازہ ترین ورژن میں اپ ڈیٹ کریں

 

لاہور:(پاک آنلائن نیوز) پاکستان مسلم لیگ (ق) کے رہنما مونس الٰہی کا کہنا ہے کہ ان کا کزن گجرات سے منڈی بہاؤالدین جاتے ہوئے لاپتہ ہو گیا۔

سماجی رابطے کی ویب سائٹ ٹوئٹر پر اپنے پیغام میں مونس الٰہی کا کہنا تھا کہ ان کے کزن زغام گوندل گجرات سے منڈی بہاؤالدین جاتے ہوئے لاپتہ ہوگئے۔ انہوں نے مزید کہا کہ ان کی گمشدگی کے بعد ان کی گاڑی بھی غائب تھی۔

انہوں نے کہا کہ پولیس، فیڈرل انویسٹی گیشن ایجنسی (ایف آئی اے) اور قومی احتساب بیورو (نیب) بھی زغام گوندل کی گمشدگی سے لاعلم ہیں۔

واضح رہے کہ مونس الٰہی نے دعویٰ کیا تھا کہ پولیس اور فیڈرل انویسٹی گیشن ایجنسی (ایف آئی اے) بغیر وارنٹ کے چھاپے مار رہی ہیں۔

گجرات میں پرویز الٰہی کی رہائش گاہ پر پولیس کے چھاپے پر ردعمل دیتے ہوئے انہوں نے کہا تھا کہ پولیس، ایف آئی اے اور دیگر ادارے دوبارہ کنجاہ ہاؤس پہنچ گئے۔ انہوں نے مزید کہا کہ وہ بغیر وارنٹ کے چھاپے مارتے رہتے ہیں۔

مسلم لیگ (ق) کے رہنما کا مزید کہنا تھا کہ ہمارے گھر پر چھاپہ مار کر آپ کو لگتا ہے کہ آپ ہمیں عمران خان کو چھوڑنے پر مجبور کر دیں گے۔ ایک بار پھر سوچو!"

میرا کزن ضیغم گوندل آج گجرات سے منڈی بہاؤالدین جاتے ہوئے اُٹھا لیا گیا۔ وہ بھی غائب اور اس کی گاڑی بھی ۔ پولیس، ایف آئی اے ، نیب سب نے لاعلمی کا اظہار کیا ہے ۔

— Moonis Elahi (@MoonisElahi6) February 18, 2023