We categorically reject the orchestrated malevolent campaign by rogue elements who are spreading misleading and fabricated propaganda regarding post-earthquake humanitarian assistance to Turkiye. Such shameful attempts are designed to tarnish Pak's int'l stature. pic.twitter.com/60T5foqaa0
— Marriyum Aurangzeb (@Marriyum_A) February 19, 2023
مریم اورنگزیب نے کہا کہ اس طرح کی شرمناک کوششیں ملک کی بین الاقوامی ساکھ کو خراب کرنے کے لیے کی گئی ہیں۔
ایک روز قبل وزیراعظم شہباز شریف نے کہا تھا کہ پاکستان ترکی میں شدید سردی کے پیش نظر زلزلہ متاثرین کے لیے ایک لاکھ 70 ہزار سے زائد خیمے بھیجے گا۔
آج لاہور میں خیمہ سازوں کے وفد سے گفتگو کرتے ہوئے انہوں نے خیمہ سازوں سے اپیل کی کہ وہ ترکی کے زلزلہ متاثرین کی مدد کے لئے حکومت کو کم قیمت پر خیمے فراہم کریں۔
ریڈیو پاکستان کے مطابق وزیر اعظم نے خیموں کے معیار کو یقینی بنانے کے لئے وزیر منصوبہ بندی کی سربراہی میں ایک کمیٹی تشکیل دی۔
وزیر اعظم شہباز شریف کو بتایا گیا کہ آئندہ ماہ کے پہلے ہفتے میں 21 ہزار خیمے فضائی اور زمینی راستوں کے ذریعے ترکی بھیجے جائیں گے۔
انہیں بتایا گیا کہ ترکی میں زلزلہ متاثرین کے لیے خیمے بنانے کی کافی صلاحیت موجود ہے اور نیشنل ڈیزاسٹر مینجمنٹ اتھارٹی (این ڈی ایم اے) اس سلسلے میں پاکستان ٹینٹ مینوفیکچررز ایسوسی ایشن کے ساتھ مکمل رابطے میں ہے۔
وزیراعظم نے کہا کہ شام کے زلزلے سے متاثرہ افراد کے لیے کھانا، گرم کپڑے اور خشک دودھ بھی بھیجا جا رہا ہے۔