راولپنڈی(ڈیلی پاکستان آن لائن)پاکستان اور نیوزی لینڈ کے درمیان ون ڈے سیریز کے پہلے میچ میں پاکستان کو 5 وکٹوں سے شکست کا سامنا کرنا پڑا۔
پاکستان کے بلے باز فخر زمان نے گرین شرٹس کو 48.3 اوورز میں 289 رنز کے ہدف کا تعاقب کرنے میں مدد دی اور نیوزی لینڈ کے خلاف سیریز کا پہلا ون ڈے میچ جیت لیا۔
بائیں ہاتھ کے اس اوپنر نے راولپنڈی میں شاندار کارکردگی کا مظاہرہ کیا اور اپنی نویں ون ڈے سنچری بنائی اور وہ بھی پاکستان کی جیت کا باعث بنی۔
فخر زمان نے پاکستان کی پانچ وکٹوں کی فتح میں سب سے زیادہ 117 رنز بنائے۔
289 رنز کے ہدف کے تعاقب میں فخر زمان نے امام الحق کے ساتھ مل کر 124 رنز کی اوپننگ پارٹنرشپ قائم کی۔ پاکستان کی جانب سے ون ڈے میں مضبوط اوپننگ جوڑیوں میں سے ایک سمجھے جانے والے فخر زمان اور امام الحق نے کیویز کے سامنے ذمہ داری اور مزاحمت کا مظاہرہ کیا۔
امام نے 22 ویں اوور میں ایش سودھی کے ہاتھوں آؤٹ ہونے سے قبل 60 رنز بنائے۔ لیکن فخر زمان نے اپنے اعصاب کو پرسکون رکھا اور اپنی ٹیم کے لیے قابل قدر رنز بنائے۔ کپتان بابر اعظم 49 رنز بناکر آؤٹ ہوئے۔ تاہم کریز پر ان کے مختصر قیام نے فخر کو آگے بڑھنے میں مدد کی۔
پانچویں نمبر پر آؤٹ ہونے والے محمد رضوان نے آخر میں جیت کے شاٹ کے ساتھ ناٹ آؤٹ 42 رنز بنائے۔
نیوزی لینڈ کی جانب سے ایڈم ملنے نے دو وکٹیں حاصل کیں جبکہ بلیئر ٹکنر، ایش سودھی اور راچن رویندر نے ایک ایک وکٹ حاصل کی۔