ریاض:(پاک آنلائن نیوز) وزیر خزانہ اسحاق ڈار سعودی عرب کے دورے کے دوران مسلم لیگ (ن) کے قائد نواز شریف سے ملاقات کریں گے۔
ذرائع نے اے آر وائی نیوز کو بتایا کہ وزیر خزانہ نے عمرہ ادا کیا ہے اور عید الفطر کے بعد پاکستان واپس آئیں گے۔
ذرائع نے دعویٰ کیا ہے کہ اسحاق ڈار سعودی عرب میں قیام کے دوران سابق وزیر اعظم اور مسلم لیگ (ن) کے قائد نواز شریف سے بھی ملاقات کریں گے۔ ملاقات کے دوران ملک کی سیاسی و معاشی صورتحال پر تبادلہ خیال کیا جائے گا۔
امکان ہے کہ وزیر خزانہ سعودی حکام سے بھی ملاقات کریں گے اور فنانسنگ پر تبادلہ خیال کریں گے۔ وہ 10 ارب ڈالر کے آئل ریفائنری منصوبے پر بھی بات چیت کریں گے۔
Source: Ary News