کراچی:انٹربینک مارکیٹ میں امریکی ڈالر کے مقابلے میں پاکستانی روپے کی قدر میں استحکام کا سلسلہ جاری ہے۔
اسٹیٹ بینک آف پاکستان کے مطابق مقامی یونٹ 0.61 روپے کی ریکوری کے ساتھ 284.40 روپے پر بند ہوا۔ گزشتہ روز امریکی ڈالر 284 روپے 91 پیسے پر بند ہوا تھا۔
کرنسی ڈیلرز کا خیال ہے کہ متحدہ عرب امارات کی جانب سے ایک ارب ڈالر کے وعدے کے بارے میں ایک رپورٹ پر مارکیٹ میں اضافہ ہوا۔
وفاقی وزیر خزانہ اسحاق ڈار کا کہنا ہے کہ متحدہ عرب امارات نے آئی ایم ایف کو تصدیق کی ہے کہ وہ پاکستان کو ایک ارب ڈالر امداد فراہم کرے گا۔
سماجی رابطے کی ویب سائٹ ٹوئٹر پر اپنے پیغام میں اسحاق ڈار کا کہنا تھا کہ متحدہ عرب امارات کے حکام نے آئی ایم ایف سے پاکستان کو ایک ارب ڈالر کی امداد کی تصدیق کردی ہے۔
اسحاق ڈار نے مزید کہا کہ اسٹیٹ بینک آف پاکستان (ایس بی پی) اب متحدہ عرب امارات کے حکام سے مذکورہ ڈپازٹ لینے کے لئے ضروری دستاویزات کی تلاش میں مصروف ہے۔