بھارتی کرکٹ بورڈ (بی سی سی آئی) کے سیکریٹری جے شاہ نے پی سی بی کی جانب سے تجویز کردہ ہائبرڈ پلان کے مطابق ایشیا کپ 2023 میں شرکت پر رضامندی ظاہر کردی ہے۔
میڈیا رپورٹس کے مطابق میگا ایونٹ کے چار میچز لاہور کے قذافی اسٹیڈیم میں کھیلے جائیں گے جبکہ بقیہ میچز نیوٹرل وینیو پر ہوں گے۔
یہ فیصلہ پی سی بی کی جانب سے ہائبرڈ پلان کا استعمال کرتے ہوئے ٹورنامنٹ کی میزبانی کے لیے تجویز کردہ طریقہ کار پر ایشیائی ٹیموں کی حمایت حاصل کرنے کے بعد سامنے آیا ہے۔
گزشتہ ہفتے یہ خبر سامنے آئی تھی کہ سری لنکا، بنگلہ دیش، افغانستان اور نیپال پہلے ہی کرکٹ بورڈ کی جانب سے تجویز کردہ ہائبرڈ ماڈل میں شرکت کی تصدیق کر چکے ہیں۔
تاہم بی سی سی آئی نے اس منصوبے کے ساتھ اپنے معاہدے کے ساتھ ایک شرط منسلک کی ہے کیونکہ وہ ورلڈ کپ 2023 کے لئے ہندوستان کے دورے کے بارے میں پاکستان سے تحریری یقین دہانی مانگ رہے ہیں۔
پی سی بی نے ہائبرڈ ماڈل کے تحت دو آپشنز پیش کیے ہیں۔ پہلے آپشن میں بھارت کو اپنے میچز نیوٹرل مقام پر کھیلنے کی تجویز دی گئی ہے جبکہ دیگر تمام میچز کی میزبانی پاکستان میں کی جائے گی۔
دوسرے منصوبے میں ایونٹ کو دو مرحلوں میں تقسیم کرنا شامل ہے۔ ابتدائی مرحلے کا انعقاد بھارت کے علاوہ پاکستان میں کیا جائے گا جبکہ دوسرا مرحلہ متحدہ عرب امارات میں ہوگا۔