کینیڈین حکومت نے پاکستانی درخواست دہندگان کے لیے عارضی رہائشی ویزا (ٹی آر وی) پروسیسنگ کا دورانیہ کم کر دیا ہے۔
اس پیش رفت کو کینیڈا کے امیگریشن، ریفیوجیز اور کینیڈا کی شہریت کے وزیر شان فریزر نے ایک ٹویٹر پوسٹ میں شیئر کیا۔
کینیڈا کے وزیر برائے امیگریشن، مہاجرین اور شہریت شان فریزر کا کہنا ہے کہ پاکستانی شہری 802 دن کے بجائے 60 دن میں کینیڈا کا وزٹ ویزا حاصل کر سکیں گے۔
انہوں نے کہا کہ پاکستانی ٹی آر وی ایپلی کیشنز کا بیک لاگ 55 ہزار سے کم کرکے صرف 15 ہزار کردیا گیا ہے۔
Attention Pakistani visa applicants 🚨
— Sean Fraser (@SeanFraserMP) May 4, 2023
Visa processing times are not 802 days for new applications. Currently, a complete TRV application from Pakistan will be processed in 60 days, and we expect to hit 30 days in the near future.
فریزر نے مزید انکشاف کیا کہ کینیڈین حکومت بحرہند و بحرالکاہل کے خطے میں پروسیسنگ اور انٹرویو کی صلاحیت کو بڑھانے کے لئے اسلام آباد میں ایک نیا پروسیسنگ سینٹر شروع کرنے کا بھی منصوبہ بنا رہی ہے۔
انہوں نے اپنی ٹویٹ میں مزید کہا کہ ہم نے پاکستانی ٹی آر وی کے بیک لاگ کو 55 ہزار سے کم کرکے 15 ہزار سے کم کردیا ہے۔