مورینا میں مقامی لوگوں کی جانب سے بنائی گئی ویڈیوز میں طیارے کا ملبہ زمین پر دیکھا جا سکتا ہے۔
بھوپال: بھارتی فضائیہ کے دو لڑاکا طیارے سخوئی ایس یو 30 اور میراج 2000 تربیتی مشق کے دوران گر کر تباہ ہوگئے جس کے نتیجے میں ایک پائلٹ ہلاک ہوگیا۔ ایک طیارہ مدھیہ پردیش کے مورینا میں گر کر تباہ ہوا جبکہ دوسرا 100 کلومیٹر دور راجستھان کے بھرت پور میں گر کر تباہ ہوا۔
دفاعی ذرائع نے بتایا کہ سخوئی میں دو پائلٹ تھے جبکہ میراج میں ایک پائلٹ تھا۔ دونوں طیارے ہندوستانی فضائیہ کے ذریعہ فرنٹ لائن پر استعمال ہوتے ہیں۔ سخوئی میں سوار دونوں پائلٹ باہر نکلنے میں کامیاب ہوگئے اور انہیں ہیلی کاپٹر کے ذریعے اسپتال لے جایا گیا۔
دونوں لڑاکا طیاروں نے گوالیار ایئر فورس بیس سے اڑان بھری تھی جس میں روسی ڈیزائن کردہ سخوئی اور فرانسیسی میراج 2000 دونوں کے اسکواڈرن موجود ہیں۔
مورینا میں مقامی لوگوں کی جانب سے بنائی گئی ویڈیوز میں دیکھا جا سکتا ہے کہ طیارے کا ملبہ زمین پر بکھرا ہوا ہے۔
دفاعی ذرائع نے این ڈی ٹی وی کو بتایا کہ فضائیہ نے اس بات کی جانچ شروع کردی ہے کہ آیا ہوا کے درمیان تصادم کی وجہ سے یہ حادثہ پیش آیا۔
انہوں نے کہا، 'آئی اے ایف کورٹ آف انکوائری کا آغاز کیا گیا ہے تاکہ یہ معلوم کیا جا سکے کہ آیا ہوا میں تصادم ہوا تھا یا نہیں۔ حادثے کے وقت ایس یو 30 میں دو پائلٹ تھے جبکہ میراج 2000 میں ایک پائلٹ تھا۔ ابتدائی اطلاعات سے پتہ چلتا ہے کہ دو پائلٹ محفوظ ہیں جبکہ آئی اے ایف کا ایک ہیلی کاپٹر جلد ہی تیسرے پائلٹ کے مقام پر پہنچ جائے گا۔