نیشنل الیکٹرک پاور ریگولیٹری اتھارٹی (نیپرا) نے 23 جنوری کو ملک بھر میں بجلی کے بریک ڈاؤن کی تحقیقات ی کمیٹی تشکیل دے دی ہے۔
نیپرا نے 23 جنوری کی تحقیقات کے لیے 5 رکنی کمیٹی تشکیل دی تھی۔ ترجمان کا کہنا تھا کہ تحقیقاتی کمیٹی 15 روز میں اپنی رپورٹ پیش کرے گی۔
اتھارٹی نے بڑے پیمانے پر بجلی کے بریک ڈاؤن کا نوٹس لیتے ہوئے نیشنل ٹرانسمیشن اینڈ ڈسپیچ کمپنی (این ٹی ڈی سی)، کے الیکٹرک، واٹر اینڈ پاور ڈویلپمنٹ اتھارٹی (واپڈا) اور پاور ڈسٹری بیوشن کمپنیوں (ڈی آئی ایس سی اوز) سے وضاحت طلب کی تھی۔
اداروں کی جانب سے غیر تسلی بخش جوابات موصول ہونے کے بعد اتھارٹی نے تحقیقاتی کمیٹی تشکیل دے دی۔
23 جنوری کو اسلام آباد، کراچی، لاہور اور کوئٹہ سمیت ملک کے کئی علاقے اندھیرے میں ڈوب گئے تھے کیونکہ کوئٹہ اور گڈو کے درمیان ہائی ٹینشن بجلی کی فراہمی لائن کی وجہ سے بجلی کا بڑا بریک ڈاؤن ہوا تھا۔