اسلام آباد پولیس نے جوڈیشل کمپلیکس توڑ پھوڑ کیس میں گرفتار پاکستان تحریک انصاف (پی ٹی آئی) کے کارکنوں کی رہائی سے متعلق میڈیا رپورٹس کی تردید کردی۔
کیپیٹل پولیس کے ترجمان کے مطابق شناخت پریڈ کے بعد 72 ملزمان کی رہائی کی خبر 'غلط' ہے، تمام ملزمان عدالتی ریمانڈ کے تحت پولیس کی تحویل میں موجود ہیں۔
ترجمان کا کہنا تھا کہ کل شناختی پریڈ ہوگی۔
جوڈیشل کمپلیکس جلاو گھیراو، ہنگامہ آرائی، توڑ پھوڑ کا کیس۔
— Islamabad Police (@ICT_Police) March 30, 2023
72 ملزمان کو شناخت پریڈ کے بعد رہا کرنے کی خبر میں کوئی صداقت نہیں۔ آج کسی ملزم کی شناخت پریڈ نہیں ہوئی۔
تمام ملزمان جوڈیشل ریمانڈ پر جیل میں ہیں جن کی کل شناخت پریڈ ہوگی۔ بلا تحقیق گمراہ کن خبروں سے گریز کریں۔#ICTP