پاکستان تحریک انصاف (پی ٹی آئی) نے الیکشن کمیشن آف پاکستان (ای سی پی) کو پنجاب اور خیبر پختونخوا کے انتخابات کے لیے فنڈز جاری نہ کرنے پر سپریم کورٹ سے وزیر اعظم شہباز شریف اور وفاقی کابینہ کے خلاف توہین عدالت کی کارروائی شروع کرنے کا مطالبہ کیا ہے۔
پاکستان تحریک انصاف (پی ٹی آئی) کے سینئر نائب صدر فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ سپریم کورٹ کے احکامات کے باوجود اسٹیٹ بینک کی جانب سے فنڈز جاری نہ کرنے کا فیصلہ قانون کی خلاف ورزی ہے۔
"... سابق وزیر اطلاعات نے کہا کہ سپریم کورٹ وزیراعظم اور کابینہ کے خلاف توہین عدالت کی کارروائی شروع کرے اور عدالتی احکامات کے ذریعے نااہل ہونے کی ان کی خواہش پوری کرے۔
تحریک انصاف مذاکرات کے معاملے پر یکسو ہے، حکومت کی جانب سے مذاکرات پر کوئ سنجیدگی نہیں ہے، مذاکرات صرف آئین اور سپریم کورٹ کی مقرر کردہ حدود میں ہو سکتے ہیں پنجاب اور خیبر پختونخواہ میں اگر انتخابات نہیں ہوتے تو یہ آئین کو سبوتاژ کرنے کے مترادف ہیں، مذاکرات آئین سے باہر نہیں ہو…
— Ch Fawad Hussain (@fawadchaudhry) April 17, 2023