لاہور: پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نے کہا ہے کہ حکومت کی تبدیلی کی سازش پاکستان میں ہوئی، امریکا اور پاکستان ڈیموکریٹک موومنٹ (پی ڈی ایم) کی جماعتیں اس میں شامل نہیں تھیں۔
عمران خان نے حکومت کی تبدیلی کے ایک سال بعد پی ٹی آئی کارکنوں اور حامیوں سے خطاب کرتے ہوئے کہا کہ پی ٹی آئی مشکل وقت میں اقتدار میں آئی اور پی ٹی آئی حکومت کے آخری سال میں معیشت مستحکم ہوئی۔
انہوں نے کہا کہ اس حکومت کی کارکردگی ہر کوئی دیکھ رہا ہے۔ ہم (پی ٹی آئی) دہشت گردی سے سیاحت کی طرف چلے گئے اور حالات ایک بار پھر خراب ہو گئے ہیں۔
انہوں نے کہا کہ موجودہ حکمرانوں نے ان کے نام ایگزٹ کنٹرول لسٹ (ای سی ایل) سے نکال ے اور بعد میں قومی احتساب بیورو (نیب) اور فیڈرل انویسٹی گیشن ایجنسی (ایف آئی اے) کو تباہ کر دیا۔ ایف آئی اے کو پی ٹی آئی کے خلاف مقدمات درج کرنے کا ٹاسک دیا گیا تھا اور اب میرے خلاف دہشت گردی کے 40 مقدمات سمیت مجموعی طور پر 144 مقدمات درج ہیں۔